"قصة بنت مع الحجاب"
البنت دى مكنتش محجبة وكانت صغيرة فى السن عندها 15 سنة "طبعآ صغيرة فى السن ده فى نظرها لكن فى نظرنا احنا؟؟؟؟!!!!"
البنوتة دى كان شعرها جميل وكانت بتكره وبتحب الحجاب فى نفس الوقت طبعآ احنا عارفين ليه
البنات فى السن ده بتكون بتقلد بعضها!!!
وكانت البنت دى بتعمل حاجة غريبة تلبس الحجاب فى المدرسة بس علشان بتقلد صاحبتها ولكن وهى خارجة مكنتش بتلبسوا
وكانت البنت دى فى العيد أكيد كانت مبتلبسهوش وكانت بتحرج مع الاقارب من بنات خالها وعمها وغيرة
وجه اليوم المحسوم كانت فى عيد الفطر وخرجت هى والاقارب وراحوا محلات كتيييرة وفى محل منهم كانت خارج المحل وكانت بتضحك مع بنت خالتها داخل المحل يعنى واحدة خارج المحل وواحدة داخله
وطبعآ صاحبتنا اللى انا بحكى قصتها دى هى اللى كانت خارج المحل وكان طبعآ صوتها عالى مع شعرها ولبسها طبعآ انتم متخيلين شكلها معايا؟؟!!!
فكان بجانب هذا المحل بشارع كدة كان فى جامع وكان وقت صلاة العصر وبعد الصلاة خرج شيخ "وده كمان بطل قصتنا"
الحوار:
"الشيخ سمع صاحبتنا وهى بتقول لبنت خالتها والله انا هوريكى"
الشيخ:يابنتى هو انتى مسلمة؟
"البنت بكل خجل إحترامآ للشيخ طبعآ ردت"
البنت:الحمدلله يامولانا
الشيخ:يابنتى المولاى هو الله
البنت:ونعم بالله
"الشيخ استغرب ماهو ميعرفش ان البنت بتلبس الحجاب وبتصلى علشان بتقلد صاحبتها بس"
الشيخ:طيب ياستى انتى متعرقيش ان صوت المرأه عورة؟؟
البنت:اعرف ياسيدنا الشيخ..بس احنا فى عيد وكل الناس فرحانة!!
"الشيخ فى استغراب شديد"
الشيخ:فرحانة!!فرحانة ازاى يعنى؟؟؟
البنت:هو انا ازعجت حضرتك فى حاجة أو زعلتك فى حاجة
"طبعآ صاحبتنا فى خجل شديد"
الشيخ:انتى مزعلتنيش انا..بس انا اللى ممكن ازعلك لو اتكلمت معاكى شوية؟
البنت:لأ طبعآ ياعم الشيخ
"وطلعت بنت خالتها من المحل قالتلها تعالى عم الشيخ عايزنا قالتلها لأ ياستى انا مش هضيع الخروجة عليه تعالى وسيبك منه قالتلها لأ انا هقعد مع عم الشيخ قالتلها براحتك بس متكلمنيش تانى صاحبتنا ربنا يهديها راحت للشيخ وسابت بنت خالتها لواحدها وقالتلها براحتك"وكإن ربنا فتح قلبها للشيخ ده"
راحت للشيخ
الشيخ:فين بنت خالتك؟؟
البنت:مشيت مرضيتش تيجى معايا
الشيخ:طب انتى جيتى ليه؟
البنت:معرفش ياسيدنا حسيت انى عايزة اتكلم معاك
الشيخ:طب تعالى واحكيلى كل حاجة عنك
البنت:حاضر
"طبعآ قالتله انها بتلبس الحجاب علشان بتقلد صحابها وبس"
الشيخ:طب والكلام ده ينفع؟
البنت:ساكته سكوت متوصفش
"الشيخ مكلمهاش فى موت ولا عذاب ولا اى حاجة"
الشيخ:انتى كنتى لابسة لبس وحش جدآ وخارج وضحكك بالصوت العالى ده لفت نظرى انا اللى انا راجل كبير فى السن طب الشباب اللى كانوا ماشين اكيد بصولك وقالولك كلام متحبيش تسمعيه صح؟
البنت:صح..
الشيخ:هو انتى بتلبسى ايه وانتى بتصلى؟
البنت:بلبس الايسدال
الشيخ:يعنى بتسترى نفسك؟
البنت:ايوا
الشيخ:طب ماتجربى العكس
"البنت بتبصلوا بتعجب"
الشيخ:انا قصدى استرى نفسك فى الشارع وافضحى نفسك امام الله
البنت:يعنى ايه افضح نفسى؟
الشيح:يعنى بدل ماتلبسى الايسدال فى الصلاة البسى حجاب فى الشارع والحجاب وانتى بتصلى برضو يعنى اقسمى الايسدال اتنين وراح ضحك
البنت:لسه مش فاهمة ياسيدنا؟؟
الشيخ:البسى الحجاب فى الشارع فى الصلاة بدل ايسال فى الصلاة بس ياستى
البنت:ماشى
الشيخ:طب انا عايز اديكى هدية ممكن
البنت:ياريت اخد اى حاجة منك
"خدها الشيخ معاه وراحوا محل ملابس اسلامية"
الشيخ لبائع المحل
الشيخ:ازيك ياحسين يابنى؟
البائع:الحمدلله ياسيدنا تؤمر بإيه؟
الشيخ:هاتلى الانسة اللى شغالة معاك علشان تروح مع بنتى وتعمل الازم..
البائع:ههههه ماشى
"فنادى حسين على البائعة زميلتة وراحت وخدت صاحبتنا معاها"
البنت:اد ايه اللبس ده مريح ياسيدنا الشيخ
الشيخ:شوفتى بأه يابنتى يالا بينا
"ذهب الشيخ والبنت وراحوا مكانهم تانى والبنت روحت بيتها ووالدتها فرحت جدآ"
"مرت ايااام كتير وجه عيد الاضحى والبنت ملتزمة بحجابها وصلاتها زى ما قال لها الشيخ"
"راحت البنت المسجد اللى دخلت فيه مع الشيخ"
البنت:فين عم الشيخ محمد؟
شيخ تانى:تعيشى انتى؟؟؟
"ونزل عليها الخبر كالصاعقة"
ومشيت فى الشارع تفتكر كل الكلام اللى قالهولها كله فلقت نفسها فى المحل اللى جابلها منه الهدية
البنت:ازيك يا استاذ حسين؟"البائع"
البائع:أهلآ ازيك؟
البنت:امتى ده حصل؟
البائع:فى نفس اليوم
البنت:فى نفس اليوم؟؟؟؟يعنى كان أخر أعماله انه "سترنى"والبنت منهارة من العياط والقهر عليه
قالها البائع:مش انتى لوحدك اللى سترك
البنت:يعنى كان فى ناس قابلى؟
البائع:كتير الشيخ ده كان بيستر البنات
البنت:علشان كدة قالك خلى زميلتك تاخدنى وتعمل معايا الازم
البائع:بالظبط كدة
البنت:لاحول ولا قوة الا بالله العلى العظيم
انا كنت جاية افرحة انى حفظت فى القرأن وكنت عايزاه يشجعنى على النقاب
البائع:اعتبرى الشيخ موجود واعملى اللى كان هيقولك عليه
البنت:طب انا عايزة البس النقاب دلوقتى
البائع:حاضر
"وفعلآ جابلها النقاب ولبستوا
وهى حافظة دلوقتى القرأن واحكام الفقه والشريعة والاحاديث كلها من كتاب البخارى وبتعلم القرأن فى المساجد وفاكرة لغاية وقتنا هذا الشيخ الصالح الذى كانت اخر اعماله هى سترة هذه البنت
"يارب احسن ختامنا كلنا يارب العالمين"
معلش القصه بالعاميه بس ممكن تأثر في حضرتكم اكثر من اللغه العربيه
