يقول صديقى يسقط حكم العسكر
قلت لة - لية بس ياعم
قال - شوف مافيش ولا حاجة تحققت من اللى وعدونا بيها
قلت - يا اخى واللة انا معاك فى بطىء واخطاء كثيرة
قال - لا فية كمان موامرة على الثورة
قلت - يا سيدى حتى لو لم يفعلو شىء الا حماية الثورة والثوار والانحياز للشعب وحقن الدماء فانا اعتبرة شىء عظيم وبص وشوف الدول اللى جنبنا نفضل نقول الحمد للة
قال - ياعم دة الطبيعى ودة واجبهم
قلت - طيب لو كانو عملو العكس كنا هنقول اية
قال - طبعا خونة وبعدين مكنوش يقدرو يعملوكدة
قلت - يبقى هما عملو اللى يخلينا منقلش عليهم خونة ومكنوش يقدرو لية يعملو كدة
قال - لان يا حبيبى فية ضباط احرار كانو هيقفو مع الشعب
قلت - جميل ياعنى كان فية هيكون مع وضد وكانت هتبقى كارثة برضة يشكرو انهم حمونا من كل دة يا سيدى
قال - طيب المحاكمات شوفت الاستفزاز اللى فيها
قلت - معاك تماما فى دة ولكن خلينا نسيب كل حاجة للقانون ومنحطش دة زى العقدة فى المنشار عندنا حاجت اهم
قال - طيب والسحل والقبض على النشطاء وقتل المتظاهرين
قلت - الموضوع دة متشابك جداواكيد فية حاجات احنا منعرفهاش وفى ضغوط وحاجات كتير وبعدين خلينا دائما نبص للموضوع من فوق وبدون تحيز ونسيب مشاعرنا شوية على جنب وندرس كل الامور
قال - ازاى
قلت- شوف من مصلحة مين مثلا قتل الشيخ عماد والدكتور والمهندس
قال – طبعا المجلس السبب
قلت - يا ذكى وهل من مصلحة المجلس العسكرى انة يقلب كل الفئات دى علية دهو من مصلحتة يحبب كل الناس فية ويكسب ارضية كمان مش يكرة الازهر والاطباء والمهندسين فية يعنى باين ان دى فئات مختارة بعناية
قال - طيب وماسبيرو ومحمد محمود والداخلية
قلت - واللة يا اخى انا اعتب على الداخلية عدم التعامل بحزم مع الموقف دة مهو مش معقولة هيبة الدولة تضيع للدرجة دى قولىاية اللى يوديهم هناك ويكسرو ويخربو
قال - يعنى يقتلونا وتقولى هيبة الدولة
قلت - يابنى اية اللى وداهم هناك ما التحرير موجود وبعدين الذكاء لما يحصل قلق نسيب المكان علشان يبان العاطل مالباطل وبعدين عجبك حرق المجمع العلمى ومبنى الضرايب وغيرة
قال - المجلس المسئول
قلت – ازاى
قال – كان يقدر يحمى المجمع وغيرة
قلت – ياعنى لو دخل وحصل احتكاك تانى كان هيبقى دة رايك
قال – يعنى اية
قلت - وقتها كنتو هتقولو القتل والسحل وعلى فكرة ماهو لو دافع مدان ولو ترك مدان
قال – طب قولى حاجة حلوة اتعملت من يوم ما المجلس مسك البلد
قلت – فى هذة النقطة لا اعلم كيف فكرو هما ضيعو فرصة عمرهم فى تسطير اسمائهم بحروف من نور يعنى لو كانو عملو ثلاث حاجات فقط كانو كسبو الشعب كلة هية الراواتب والاسعار والامن كانت الدنيا اتغيرت معاهم
قال - اللة امال انت مختلف معايا فى اية محنا متفقين اهو
قلت – احنا متفقين فى الهدف فقط مختلفين فى التطبيق انا ضد الاعتصامات والاضرابات عمال على بطال حتى لا تفد قيمتها انا ضد الخراب والقتل بدون سبب او هدف اخاف على مصر من الموامرات الخارجية الموكدة و كل ماتتحدث عنة من محاكمات وتطهير وكل المطالبات المتفق عليها احطها جنبى علشان متكعبلش لو حطتها قدامى انت حاتطها اقدامك علشان كدة كل شوية بتتكعبل فيها وهناك عدم ذكاء فى كسب الشعب وعدم اختيار الوقت المناسب فى طرح المشاكل والوقفات والاعتصامات بدليل فكرة العصيان المدنى الفاشلة للاسف الشباب النقى ينساق سريعا وبدون تفكير وراء من يسمون انفسهم نخبة فهم يحرضون الشباب ثم يذهبو للفضائيات ويتركو الشباب للموت
قال - مش معقولة هاتقنعنى ان فىه شباب عامل مخططات ويكون الثمن هو حياته
قلت - انا غير معترض على المظاهرات لكن الذكاء فى التوقيت والطريقة طبعا الشباب لا يعملون مخططات لكن الكبار هم من يحرضون ثم يهربون الى التليفزيون للاسف الشباب واللة اغلبهم نقى لكن المشكلة فىالى بيزقوهم مثلا الاسوانى و عبد الغنى
وممدوح حمزة اغلب وقتة بر ة يعنى مش فرقة معاة
قال طيب قولى امتى اتزقوا
قلت - مجلس الوزراء محمد محمود غيرة اما ماسبيرو فدى حكاية تانية خالص فكر فيها كويس بس بذكاء
وربما لا يعرف الشباب اى شى عن هذة المخططات لكن واجبنا ان نكون اعينهم حتى لا ننجرف الىهوة لا يعلم مداها الا اللة احنا عملنا ثورة علشان نرتاح مش نتبهدل
قال - طيب ليه هما مش قدام الداخليه دلوقتى
قلت - انت فكر ورد على السوال
قال عشان هما رد فعل وليس فعل
قلت - حتى لو رد فعل فهورد لا يقبلة احد ومين ياترى اللى بيدفع ثمن الخراب دة طبعا احنا الشعب وهنندم على كل دة وكمان ليس رد فعل واللة ولكن اصطياد البعض فى الميا ةالعكرة وانظر الى اغلب اشكال من كانو امام الداخلية هناك من يعجبهم عدم وجود الامن وبعين لو انهارت لشرطة هتتبسط يا حلو والنتائج هتكون سيئة على الجميع تاكد من ذلك
قال - طيب يبقى لازم نعرف ان لثوار بيروحوا يدورو على حقوقهم اللى مش لاقينها
قلت - هو مفيش طريقة افضل من دى لاخذ الحقوق طيب منتعلم من الثورة ولا اية اللى اتغير18 يوم سلمية
عموما المهم يكون كلنا هدفنا واحد هو مصلحة مصر وللاسف الثوار كان ليهم دور فى ان ناس كتير تغير وجهةنظرهم فى الثورة
وكل واحد شايف الموضوع من زاوية واحدة والذكى اللى يشوف كل الزوايا وهو دة اللى انا عايزة على فكرة الوضع خطير وفية اطراف كثيرة نشطاء ومنظمات وحقوقيون وتمويل ومعونة وامريكاتدافع وحركات متورطة واتهامات وربنا يسترويحمى مصر
